AutomaticTrans dedícase á tradución inmediata, empregando a máis moderna tecnoloxía e recursos lingüísticos. Ofrece servizos de tradución especializada para diferentes sectores de actividade.

A metodoloxía de traballo, EASYTRAD, perfilouse e mellorouse durante máis de 10 anos de actividade. Tanto as ferramentas, como o fluxo de tradución concibíronse para facilitar o proceso de creación e mantemento de plataformas documentais multilingües.

AutomaticTrans dispón dunha plataforma de tradución e xestión completa e robusta, denominada AT-PTC. A plataforma foi desenvolvida desde 1994 por experimentados tecnólogos, lingüistas e tradutores.

A plataforma AT-PTC satisfai por completo as necesidades multilingües para a globalización das empresas. Para facilitar a súa integración cos procesos xa existentes dispón de todos os conectadores coas aplicacións empresariais (ERP, CRM, CMS, bases de datos) que subministran outros fabricantes.

AutomaticTrans dedica máis dun 12% da súa facturación a investigación, desenvolvemento e innovación (I+D+i) para mellorar a tecnoloxía e depurar os métodos de traballo para facelos máis eficaces.

Traballo de calidade e desenvolvemento constante son dous dos trazos distintivos que lle permitiron a AutomaticTrans tramitar e obter o certificado de calidade europeo, que valida os procedementos de calidade, confidencialidade e xestión, o que lles garante aos seus clientes a capacitación para afrontar calquera proxecto de tratamento multilingüe e a obtención en todo caso dos mellores resultados.